ENDL do IES Xelmírez II
Xa está aquí Hydn. Xa chegou ao IES Xelmirez II para poñerlle o ramo a este curso. Música urbana, electrónica; letras en galego que salfire co inglés. Produción audiovisual moi coidada e ela, absolutamente entregada á rapazada de 4ESO que conquistou en nada. Alegría e baile para rematar o curso.
O pasado 15 de xuño, no marco de difundir a música galega entre o noso alumnado, a rapazada de 2ESO desfrutou dunha agradable e interesante conversa cun dos nosos músicos emerxentes: Xián Pais. Falaron de músicas urbanas, de rap e, por certo, cantou e cantaron con el varios temas. Unha marabilla. Longa vida para a nosa música.
Hoxe tivemos a inmensa fortuna de que nos visitara Carla Caamaño Martínez, unha bailarina de clásico que integra o Ballet de Kiev. Orixinaria do Milladoiro, estudou na Coruña e en Barcelona e, despois dun periplo profesional por Alemaña, agora é unha compoñente do Ballet de Kiev. Pasou esta mañá 1h co alumnado de 2ESO e foi, sen dúbida, unha experiencia marabillosa xa que non só nos falou do sacrificado da súa disciplina artística senón que incluso puxo por un momento as puntas para que a maior parte do alumnado vise por primeira vez en vivo como é esta disciplina. E suscitou tanto interese que lle formularon ducias de preguntas. Un luxazo.
Outro ano máis foron entregados os Premios Ofelia Devesa que patrocina a familia Lema Devesa para a diculgación de coñecemento en lingua galega. Desta volta os vídeos presentados abrangueron temas moi variados: dende a historia da nosa próxima Ponte Mantible ata o autismo ou o zurdismo. Parabéns para as gañadoras e para os gañadores.
O pasado martes 5 de maio voltamos outra vez defrutar do Correlingua. Armados con cartolinas alusivas a que coa lingua no corazón faremos a revolución, o alumnadod e 1ESO baixou ata a Alameda de Santiago para reunírinse cun bo grupo doutros centros nun absoluto ambiente festivo. De alí saíu a andaina por unha boa parte da zona vella sempre animados por cantos e moita música e festa para deleite dos turistas que non paraban de tirarnos fotos. De regreso á Alameda premios e concerto de Zeltia Ire Vire. Para o ano volvemos.
Co gallo de numerosas actividades relacionadas co 8M onte o alumnado de 2ESO tivo a fortuna de poder escoitar a Devacas; e non só cantar esas cancións de deconstrución de tópicos a través do humor senón sobre todo contar as súas experiencias como mulleres que se adican á música dende hai 10 anos. Bravas.
Este ano levamos unha manchea de actividades Erasmus +. A comezos de curso tivemos alumnado en Noruega e tivemos intercambio con alumnado de Aarhus. E neste trimestre continuou o movemento: tivemos un intercambio cunha Escola Secudária da Maia (Porto); nós iremos en abril. Tamén un profesor estivo de convidado no Lycée Gabriel Fauré de Annecy e dúas alumnas que facían unha longa estadía. E ao rematar este trimestre tivemos unha ducia de alumnado do Liceo Einstein de Palermo. En maio alá iremos. Mentres deixámosvos as súas impresións neste artigo.
E amais profesores en jobshadowing de Plovdiv (Bulgaria) e de Rennes (Francia). En en todos os casos intentamos dende o EDL achegarlles e facelos coñecedores da nosa lingua e da nosa cultura. Case todos tiveron unha aula inicial de lingua galega, obradoiros de música e mesmo en Annecy coñeceron a Guerra Civil española a través dos debuxos da guerra de Castelao.
Hoxe o alumnado de 4ESO tivo un fin de trimestre que quizais non vai esquecer pronto pois partillaron unha hora con Xmaseda36, un mozo da Mariña que xa é coñecido por moitos deles. Falaron de música galega, de lingua, de literatura, de emocións e, por suposto, de rap. E amais tiveron un agasallo xa que foi moi xeneroso e cantoulles unha peza sobre unha base que traía. Moitas fotos e sinaturas ao final do acto e agardamos e o seu disco Pontes sexa un éxito. Moitas grazas
Esta mañá recibimos a outra exalumna que abandonou o centro hai xa 7 anos. Eva decidiu facer dereito e o mestrado de avogacía. Estivo con alumnado de 3ESO partillando unha hora de clase para contarlles que fixo unha alumna coma elex hai sete anos cando chegou á Universidade estudar Dereito. Grazas Eva.
Encántanos recibir a exalumnos que, amais foron membros do EDL. E o pasado venres 12 de decembro estivo con alumnado de 1ESO Brais Neira, hoxe estudante do Grao de Filosofía. Brais Neira fixo tamén connosco o STEMBach sobre a importancia do IES Xelmírez II como vertebrador de comunidade para que Vite, como barrio, tivese identidade de seu. Aquilo que fora a súa primeira experiencia seria no terreo da investigación levouno a varios congresos internacionais e hoxe segue estudando e investigando sobre temas derivados dese inicial. Daquela veunos visitar e veulles contar á rapazada que hai nada estaba nesas cadeiras. Marabilla ver a atención que lle prestaron e a cantidade de preguntas que lle fixeron.
O pasado 27 de novembro o alumnado de STEMBACH do IES e mais algúns profesores tivemos a sorte de acudir ao ILG para coñecer de primeira man o Proxecto NÓS, proxecto que ten como obxectivo principal fomentar a presenza dixital do galego. Fomos recibidos pola directora do centro, Elisa Fernández Rei e por María ÁLvarez de la GRanja. E amais puidemos asistir a unha estupenda presentación a cargo de Adina Vladu que nos serviu para despois poñer en práctica distintas ferramentas informática. Día de moita aprendizaxe.
O pasado 19 de novembro o noso alumnado de Economía de 2BACH tivo a oportunidade de escoitar a Diego Madarnás. Diego foi membro activo do EDL do IES do Milladoiro e agora en 1º do Grao de Economía da USC segue traballando pola lingua. E deste volta partillou co noso alumnado os seus saberes e experiencias, que non son pouco, ao respecto de lingua e economía. Un marabilla que o noso alumnado empece a ter referentes da súa idade. Moitas grazas Diego.
O pasado 18 de xuño rematamos as actividades do EDL coa presenza dun artista do que gostamos moito: Mondra. Poucos días despois de encher por dúas veces a sala Capitol de Santiago, tivemos a sorte de telo no centro para compartir con nós as súas experiencias na música e tamén parte da súa ampla e marabillosa produción audiovisual. E, por suposto, tamén nos botou unhas coplas. Un agasallo ben fermoso de fin de curso
O venres 9 de maio o alumnado de 2ESO desfrutou dunhas das voces máis impresionantes da escena musical galega: Su Garrido Pombo
Velaquí:
Onte 6 de maio o alumnado de 1BACH asistiu a unha campaña a prol do estilo de vida saudable e contra a tabaquismo que organizamos xunto coa Fundación Celta de Vigo. Neste caso, contamos coa presenza do director da Fundación, Germán Arteta e do patrono Rubén Martínez. A parte profesional púxoo o pneumólogo do CHUS, o Dr. Carlos Rábade e apoiando esta campaña o xogador picheleiro do Celta, Borja Iglesias.
Na hora da quenda de preguntas, produciuse un intercambio moi animado, sobre todo co futbolista, ao redor de moitos temas. Velaquí por exemplo, a resposta ao tema do seu posicionamento coa nosa lingua:
Tan só podemos agradecer á Fundación Celta de Vigo, ao Dr. Rábade e ao xogador Borja Iglesias por permitirnos desfrutar dunha tarde ben interesante e frutífera. A mágoa que nos queda é a de non ter una salón de actos máis grande ante o interese suscitado.
A semana despois de Pascua tivemos no centro unha ducia de alumnas e alumnos do AE Vale do Tamel de Barcelos, Na xornada do xoves 24 de abril, as nosas alumnas de 1ESO do EDL déronlles un curso de regueifas cunha mestrá inusitada. E despois, o alumnado do EDL de 1 BACH ensinoulles a botar un punto.
E ao día seguinte celebramos o 25 de abril na praza Zeca Afonso. E cantamos o Grândola mais definitivamente temos que ensaiar máis
O 24 de abril o alumnado de 3ESO tive o pracer de escoitar unha das voces máis prometedoras do noso cante lírico, a luguesa Julia Portela. Formada en Londres e acabada de chegar de estar un ano en Capetón na ópera desa cidade, explicoulles á rapazada un montón de aspectos interesantes. E por suposto que cantou. Vaia marabilla!
O pasado martes 2 de abril, grazas á colaboración do Departamento de Lingua do concello de Santiago, parte do noso alumnado de 3ESO, acompaado por alumnado de Roma en visita Erasmus, asistiu a unha ruta lingüística-histórica a tarvés da cidade organizada polo colectivo Maos. A verdade é que en todo o tempo que durou este roteiro aprenderon moito do que xa viron ou van ver na aula. Gran idea!
Esta primeira semana de abril tivemos a visita de profes e alumnado de Italia. Tivemos profes de Roma, Milán e Módena que recibiron tamén aulas de galego. Pero, estamos seguro de que quen as aproveitou moi ben foi o alumnado de Roma con dous superprofesores do EDL, de 3 e 4 ESO que lles impartiron, o mércores 2 de abril, un curso de galego nivel inicial marabilloso.
E o 25 de marzo, con Pauliña na aula de 1ESO descubriron o seu inmenso talento. Estamos seguros amais que vai ser unha magnífica profe.
