Aquel-e: A Galiza pop

Aínda non coñeces a Aquel-e? Pois a que agardades para facervos subscritores da súa canle de You Tube? Hoxe estivo con alumnado de 1BACH un dos youtubeiros do momento falándonos da súa Galiza, da Galiza pop, da Galiza posible. Que ben o pasamos e canto aprendemos.

Un ano máis no Correlingua

O pasado luns 6 de maio participamos un ano máis no Correlingua en Santiago de Compostela. Desta o alumnado de 1ESO elaborou a súa pancarta co lema "O galego é a fórmula" coa que paseou, fachendoso, polas rúas compostelás. A ver se o noso berro foi oído.

Música e evolución: Rosa Sánchez e Pablo Carpintero

O pasado 3 de maio, e grazas á colaboración da Fundación Paideia, tivemos a sorte de ter no noso centro a dous dos músicos e investigadores da nosa tradición musical que gozan de maior relevo: Rosa Sánchez e Pablo Carpintero. Cargados de instrumentos e músicas fixéronnos unha exposición maxistral sobre a nosa música e tradición ante a atenta mirada e oído do noso alumnado e mais do alumnado do Instituto Español Miguel Hernández de Moscova, de intercambio no centro. Aquí vos deixamos un pequeno resumo.