ENDL do IES Xelmírez II
Outro ano máis foron entregados os Premios Ofelia Devesa que patrocina a familia Lema Devesa para a diculgación de coñecemento en lingua galega. Desta volta os vídeos presentados abrangueron temas moi variados: dende a historia da nosa próxima Ponte Mantible ata o autismo ou o zurdismo. Parabéns para as gañadoras e para os gañadores.
O pasado martes 5 de maio voltamos outra vez defrutar do Correlingua. Armados con cartolinas alusivas a que coa lingua no corazón faremos a revolución, o alumnadod e 1ESO baixou ata a Alameda de Santiago para reunírinse cun bo grupo doutros centros nun absoluto ambiente festivo. De alí saíu a andaina por unha boa parte da zona vella sempre animados por cantos e moita música e festa para deleite dos turistas que non paraban de tirarnos fotos. De regreso á Alameda premios e concerto de Zeltia Ire Vire. Para o ano volvemos.
O pasado martes 2 de abril, grazas á colaboración do Departamento de Lingua do concello de Santiago, parte do noso alumnado de 3ESO, acompaado por alumnado de Roma en visita Erasmus, asistiu a unha ruta lingüística-histórica a tarvés da cidade organizada polo colectivo Maos. A verdade é que en todo o tempo que durou este roteiro aprenderon moito do que xa viron ou van ver na aula. Gran idea!
Esta primeira semana de abril tivemos a visita de profes e alumnado de Italia. Tivemos profes de Roma, Milán e Módena que recibiron tamén aulas de galego. Pero, estamos seguro de que quen as aproveitou moi ben foi o alumnado de Roma con dous superprofesores do EDL, de 3 e 4 ESO que lles impartiron, o mércores 2 de abril, un curso de galego nivel inicial marabilloso.
Este ano polo Samaín ou polos Defuntos ou por fin do mes de outubro en colaboración coa biblioteca convocamos o I Concurso de epitafios. E xa temos as dúas gañadoras. Parabéns
Este ano celebramos a poesía e a música de Luisa Villalta. E coma sempre, moitas actividades e obradoiros. Velaquí unha pequena mostra:
A finais de marzo o noso alumnado de STEMBACH presesentou as súas memorias de investigación que corroboran que traballaron e investigaron moito durante dous anos. A presidenta do tribunal, a decana de Matemática, Dna. Elena Vázquez Cendón salientou a calidade deles á altura de moitos TFG. Porén nós queremos sumarnos aos parabéns non só pola calidade senón tamén por sermos un centro onde o noso alumnado presenta de xeito maioritario os seus traballos de investigación na nosa lingua. E, sen dúbida, é unha acción de normalización signa de loanza.
O equipo EDL tamén se suma á campaña do centro polo Día Internacional da Muller. É ben curioso que a maioría das que aparece no cartaz que fixemos no centro manteñan tamén unha aposta decidida polo uso da nosa lingua.
Onte foi o Día das Escritoras. E mirade que cartaces tan marabillosos preparau toda a equipa da biblioteca
Nesta última parte do curso, o alumnado de 2ESO estivo traballando con fotos familiares anteriores ao 1970. Os obxectivos eran varios: dende poñer en valor as propias fotos e o que contan do noso patrimonio inmaterial ata coñécerense un pouco máis investigando na súa propia familia. O resultado colga das paredes do noso centro e se pasades por alí decatarédsvos de que non só hai fotos fermosísimas senón que hai historias marabillosas.
O pasado venres 15 de xuño tivo lugar unha nova entrega dos Premios Ofelia Devesa de educación activa. Desta volta, presentáronse numerosos traballos de divulgación de coñemento e de temátocas moi variadas: dende como usar certas aplicacións informáticas ata traballos sobre a emigración. E para agasallar ao alumnado premiado contamos máis unha vez co patrocinador de devanditos premios, o avogado D. Carlos Lema e o Secretario Xeral de Política Lingüística, D. Valentín García. Longa vida aos Ofelia Devesa!
O IES Arcebispo Xelmírez II era un histórico do teatro escolar compostelán. Con todo, por diferentes razóns había xa dúas décadas que non había grupo de teatro no centro. E, por fin, este ano formouse un pequeno grupo con alumnado de 1º, 2º e 3ºESO que, baixo a dirección de Lucho Penabade, puxeron en escena un adaptación de Lisístrata, titulada, As Lisímacas. E para rematalo puxérona en escenao 9 de maio no Teatro Principal de Santiago de Compostela, dentro do festival de teatro escolar Intercentros. Baixou todo o alumnado de 2ESO para desfrutar da súa actuación e aplaudirlles por un traballo tan esixente e magnificamente posto en escena. Temos unha gran canteira! E longa vida ao noso grupo de teatro!
A finais de marzo alumnado do noso IES que fai o STEMBach pasou o seu traballo de fin de curso diante dun tribunal. Congratúlamonos de que tres deles elixiran o galego como lingua do seu traballo e tamén como lingua vehicular da súa defensa. Non deixa de ser unha mostra máis de que a nosa lingua é válida para a transmisión de calquera tipo de coñecementos e de calquera ámbito. Grazas rapaces e grazas ao profesorado que os animou nesa encomenda.
Con este título chegou onte ao noso centro un dos obradoiros científicos máis interesantes e divertidos dos últimos tempos. E veu da man dun dos nosos grandes divulgadores e científicos: o profesor de Fisioloxía da UDC, Casto Rivadulla. Grazas a el o alumnado de STEMBach e do Club de Ciencia coñeceu algo máis dun dos sentidos máis "inútiles": o gusto. Grazas a unha morea de prácticas e experiementos soubemos da importancia que teñen o olfacto e a vista nas cuestións dos sabores. Un auténtico luxo que agardamos se poida repetir pronto.
O venres catro de novembro no salón de actos do IES Arcebispo Xelmírez I tres alumnas e un alumno do noso centro recolleron varios premios de banda deseñada e de ensaio subversivo, todos eles, vehiculados na nosa lingua. Daquela parabéns mil a Noa e Chano por eses primeiros premios en banda deseñada e polo segundo a Azul. Vaia artistas temos! E, moitos parabéns a Brais, membro de EDL, por ese segundo premios de ensaio subversivo. Que maneira de escribir!
Aquí a noticia en varios medios como o Portal da Xunta, a Cope e El Correo Gallego
Na foto Brais recollendo o premio:
O pasado martes 14 de xuño entregamos os premios dunha nova edición do concurso "Ofelia Devesa", de vídeos que divulguen coñecento. Neste caso, os gañadores das súas categorías trataron temas tan interesantes como o mund maker, a guitarra ou os grafittis. Para a ocasión, estivemos acompañados do patrocinador do premio, o avogado Carlos Lema e Valentín García, Secretario Xeral de Política Lingüística. Longa vida a este concurso e parabéns aos premiados!
Como cada ano, a biblioteca do IES Arcebispo Xelmírez II argallou un concurso de contos de medo para celebrarmos o Samaín. E dende o EDL apoiamos esta iniciativa. Por iso vos deixamos aquí os tres relatos gañadores para que morrades de medo ao lelos. Parabéns para o alumnado participante e, en especial, para o gañador. Madeira de artistas hai por aquí.
O pasado 27 de outubro participamos no Auditorio de Galicia no Festival aRi(t)mar, iniciativa da Escola Oficial de Idiomas que tes por obxectivo difundir a música e a poesía galego e portuguesa dentro da idea de establecer vínculos entre a lusofonía. Desta volta, alumnado e profesorado do centro compartiu a alegría dos premiados. Na foto, cunha delas, Guadi Galego.
O pasado 4 de xuño puidemos celebrar o V Premio Ofelia Devesa de Educación Activa. Para entregaren os premios aos mellores traballos de divulgación de coñecemento en formato vídeo, contamos coa preseza da directora do centro, do Concelleiro de Educación Rubén Prol e de Carlos Lema Devesa, patrocinador dos devanditos premios. Os traballos gañadores versaron sobre temas tan distintos como a soedade na xente maior, a bulimia ou a química na cociña. Aquí vos deixamos un breve resumo do acto.
