venres, 11 de maio de 2018

Unha visita moi especial: o alumnado de galego do IE Cañada Blanch de Londres

O pasado mércores 9 de maio recibimos unha visita moi especial: 44 alumnas e alumnos dos preto de 100 que estudan galego no IE Cañada Blanch de Londres e que podedes seguir na súa web Fala Londres e nas redes sociais (facebook, twitter e instagram) no perfil Galego en Londres. 
Como veredes no vídeo, foi unha mañá intensa: primeiro, obradoiros de papiroflexia, ciencia, pandeireta, muiñeira e hóckey, impartidos case todos polo alumnado do centro. Logo unha xincana deportiva e por último unha visita a compostela que rematou co intento dunha muiñeira colectiva no Obradoiro e na Quintana. Sen dúbida, día espléndido para partillar lingua e emocións.

Ningún comentario:

Publicar un comentario